The Collingsworth Family

Laurdag den 17. august kan du gjerne merke av i kalendaren, for då kjem ein song-/musikkglad familie til Valderøy bedehus. Dei er ein familie på seks: 2 vaksne og 4 ungdomar, som er heimehøyrande i USA. Phil og Kim deltok allereie i 1986 saman som musikarar. Familien er ei anerkjend gospelgruppe som syng og trakterer ulike instrument, m.a. piano, trompet og fiolin. Dei har spelt og sunge over heile Amerika, i tillegg har dei delteke internasjonalt med song og musikk. The Collingsworth Family har gitt ut fleire musikkplater og videoar. Top 40 Hits har dei også vore på med ulike låtar, og dei har motteke ulike prisar for sin innsats.

Familien skal mellom anna innom Herøy frikyrkje fredag 16. august før dei kjem til Valderøya. På sin turnè har dei vore innom Jønkøping i Sverige, Kristiansand og Karmøy før dei deltek ved songkvelden på bedehuset vårt. 

Etter konserten vil det bli servert "havets kveldsmat" i bedehuskjellaren.

Du er hjarteleg velkomen til konsert med The Collingswort Family. 

Gratis konsert - kollekt.

Mat: Kr. 100,- pr. person/200,- pr. familie.

Evt. overskot vil gå til arbeidet ved Valderøy bedehus.

Meir informasjon om familien finn du her: http://www.thecollingsworthfamily.com/home.shtml