Årsmøte 2018 - Oppdatert med nytt styre

Laurdag den 3.februar 2018 kl 19.00 vart det halde Årsmøte for Valderøy Indremisjonsforeing (VIM) på bedehuset. Det var omlag 45 frammøtte og leiar for styret i VIM, Kjartan Skjong, leia årsmøtet. 

Før Arnstein Ytterland heldt andakt, song vi «Namnet Jesus». Arnstein fekk ordet og minte om 2.Tim. 3,16. Heile skrifta , Guds ord, er innanda av Gud, og nyttig... To viktige ting: Ordet er innanda av Gud og Ordet er nyttig. Viktig også å sjå innleiinga om at det skal kome vanskelege tider i dei siste dagene. 

Etter andakta song vi «Du kommer Jesus til meg inn», og så var det over til årsmøtesaker. Årsmeldinga vart lest opp og rekneskapen for 2017 vart gjennomgått. Årsmøte godkjente rekneskapen og årsmeldinga. 

Søndagskulen si årsmelding vart lest opp av Anders Bjørnerem. Mottoet til søndagsskulen er «Jesus til barna». Omlag 100 born er registrert inn i søndagsskulen på Valderøy bedehus og det er det største i Sunnmøre søndagsskulekrets (og av dei størst i landet). Foreldre og besteforeldre kjem på samlingane som arrangerast omlag annankvar søndag. Alle er velkomne til søndagsskulen. Det er bra med leiarar til arbeidet, og dei har alle kvar sin personlege forbedar, som ber for leiarane og arbeidet. I eit samfunn der Jesus ikkje lenger har plass, er det stort å få drive søndagsskulearbeid i Valderøy bedehus. Noko av bodskapen i arbeidet er oppsummert i ein av dei mykje brukte songane: «Jesus er troen min. Jesus gjør gode ting. I hjertet mitt, i livet mitt. Han er hos meg». Etter Anders hadde lest opp årsmeldinga og vist fram bilder frå søndagsskulen sitt arbeid, song vi «Jesus er Kongen min» og tok opp kollekt til søndagsskulen. 

Før samtale om arbeidet, var det mat - god mat, kaffi og samtale rundt borda. 
Årsmøte drøfta arbeidet og bestemte å samle seg på nytt før påske for å foreta val av nye medlemar til styret. Det var eit ønske frå fleire i årsmøte om å ta ein ekstra runde, og spøre fleire om å stille til valg. Dagens styre vil sete videre til årsmøte samlar seg for eit ekstraordinært møte for å gjennomføre valget. Det var nemnt at dato blir annonsert og sannsynlegvis i løpet av mars 2018. 

Årsmøte vart avslutta med at Jan Ivar Stokset las opp referatet frå årsmøtet og dette vart lagt ut til signering av dei frammøtte. 

Harry Valderhaug

Det nye styret for Valderøy Indremisjon

Nils Einar Berget - Leiar 
Jarl Olav Sæther - Nestleiar 
Turid Tomren - Kasserar 
Marita Nordgård Giske - Sekretær 
Yvonne Ytterland Magnussen 
Kristine Paulsen Walderhaug 
Staale Johan Valderhaug,